18 fevralda Ər-Riyadda Rusiya-ABŞ danışıqları 5 saat çəkdi. Görüşlə bağlı brifinqdə Tramp onu çox yaxşı adlandırdı və Ukraynadakı vəziyyətin nizamlanacağına inamının daha da möhkəmləndiyini bildirdi.
Brifinqdə Trampın başqa bəyanatları:
- Ukraynada müharibəni bir neçə il əvvəl ərazi itkiləri olmadan orta səviyyəli danışıqçılar vasitəsilə də dayandırmaq olardı.
- Rusiya ilə müharibə kontekstində Ukraynanın tutduğu mövqe məni məyus edir. Danışıqlar stolu arxasına oturmaq üçün onların 3 ili var idi.
- Ukraynaya Avropa qoşunlarının yerləşdirilməsinin əleyhinə deyiləm, amma Amerika qoşunları orada olmayacaq.
- Ukraynada çoxdandır seçkilər olmayıb. Bunu demək mənim üçün nə qədər kədərli olsa da indi Zelenskinin 4% reytinqi var.
- Ukrayna danışıqlar stolu arxasında yer istəyirsə, seçkilər keçirməlidir.
- Rusiyalılar Kiyevi dağıtmaq istəmirlər. İstəsəydilər, onlar bunu edərdilər.
- Ukrayna verilən pulları ya qaytarmalı, ya da onların hara yoxa çıxdığını aydınlaşdırmalıdır. Gərək ki, Zelenski özü demişdi ki, ABŞ-ın verdiyi pulların yarısının harada olduğunu bilmir.
- Zelenski tamamilə səriştəsiz prezidentdir, gülünc bəyanatlar verir və onun rəhbərliyi müharibənin davam etməsinə şərait yaradır.
Məncə, şərhə ehtiyac yoxdur.
Asif Şəfəqqətov
